«Ливерпуль» раҳбарияти жамоа етакчиларидан бирига нисбатан муҳим қарор қабул қилишга тайёргарлик кўрмоқда. Football Insider нашрининг хабар беришича, клуб 33 ёшли бразилиялик дарвозабон Алиссон билан янги шартнома имзолаш имкониятини кўриб чиқмоқда.
Келгуси мавсум Алиссон учун «Энфилд»даги фаолиятида ҳал қилувчи аҳамиятга эга бўлади. Клуб скаутлари ва таҳлилчилари музокараларни бошлашдан олдин унинг жисмоний ҳолати ва ўйин кўрсаткичларини диққат билан кузатиб боришади.
Алиссон жорий мавсумда 34 та ўйинда майдонга тушди ва уларнинг 13 тасида ўз дарвозаси дахлсизлигини сақлаб қолди.
