«Liverpul» rahbariyati jamoa yetakchilaridan biriga nisbatan muhim qaror qabul qilishga tayyorgarlik ko‘rmoqda. Football Insider nashrining xabar berishicha, klub 33 yoshli braziliyalik darvozabon Alisson bilan yangi shartnoma imzolash imkoniyatini ko‘rib chiqmoqda.
Kelgusi mavsum Alisson uchun «Enfild»dagi faoliyatida hal qiluvchi ahamiyatga ega bo‘ladi. Klub skautlari va tahlilchilari muzokaralarni boshlashdan oldin uning jismoniy holati va o‘yin ko‘rsatkichlarini diqqat bilan kuzatib borishadi.
Alisson joriy mavsumda 34 ta o‘yinda maydonga tushdi va ularning 13 tasida o‘z darvozasi daxlsizligini saqlab qoldi.
