Франциянинг «ПСЖ» ва Англиянинг «Манчестер Юнайтед» клублари «Ньюкасл»нинг 19 ёшли ярим ҳимоячиси Льюис Майлига қизиқиш билдирмоқда. Бу ҳақда TEAMtalk нашри хабар бермоқда.

Манбанинг маълумотига кўра, ҳар икки гранд клуб футболчини 2023 йилдан бери кузатиб келишмоқда. Ўз навбатида, «қарғалар» Майлини ўзларининг узоқ муддатли режаларининг муҳим қисми деб ҳисоблашади ва уни қўйиб юбориш ниятида эмаслар.

Жорий мавсумда «Ньюкасл» ярим ҳимоячиси барча турнирларда 31 та ўйинда иштирок этиб, 3 та гол урди ва 4 та голли узатмани амалга оширди.

Футболчининг клуб билан амалдаги шартномаси 2029 йилнинг ёзигача мўлжалланган. Transfermarkt портали маълумотларига кўра, ёш иқтидор эгасининг бозор қиймати 25 миллион еврони ташкил этади. Бироқ «Ньюкасл» уни бундан анча юқори нархга баҳолаши шубҳасиз.