«Бавария» бош мураббийи Венсан Компани Чемпионлар Лигаси 1/4 финалидан ўрин олган «Реал Мадрид»га қарши жавоб учрашуви ҳақида гапирди.

«Биринчи ўйиндан кейин менда янада юқорироқ даражадаги ўйин кўрсата олишимиз мумкинлиги ҳақида ҳиссиёт пайдо бўлди. «Бернабеу»да 2:1 ҳисобида ғалаба қозониб туриб, мана шундай ички сезги қолиши — бу яхши белги. Бироқ буни эртага майдонда исботлаш керак.

Агар баъзи вазиятларда аниқликни йўқотсангиз, «Реал» жуда тезлик билан дарвозангиз олдига етиб келишга қодир. Кечқурун ухлашдан олдин мен доим шундай ўйлайман: «Хайриятки, рақиб мураббийида ҳам у тўғирлаши керак бўлган муаммолар етарлича!» — бу менга яхши кайфият бағишлайди», — деди Компани журналистларга.

«Бавария» ва «Реал» ўртасидаги баҳс эртага, 15 апрель куни Мюнхенда бўлиб ўтади.