«Bavariya» bosh murabbiyi Vensan Kompani Chempionlar Ligasi 1/4 finalidan o‘rin olgan «Real Madrid»ga qarshi javob uchrashuvi haqida gapirdi.
«Birinchi o‘yindan keyin menda yanada yuqoriroq darajadagi o‘yin ko‘rsata olishimiz mumkinligi haqida hissiyot paydo bo‘ldi. «Bernabeu»da 2:1 hisobida g‘alaba qozonib turib, mana shunday ichki sezgi qolishi — bu yaxshi belgi. Biroq buni ertaga maydonda isbotlash kerak.
Agar ba’zi vaziyatlarda aniqlikni yo‘qotsangiz, «Real» juda tezlik bilan darvozangiz oldiga yetib kelishga qodir. Kechqurun uxlashdan oldin men doim shunday o‘ylayman: «Xayriyatki, raqib murabbiyida ham u to‘g‘irlashi kerak bo‘lgan muammolar yetarlicha!» — bu menga yaxshi kayfiyat bag‘ishlaydi», — dedi Kompani jurnalistlarga.
«Bavariya» va «Real» o‘rtasidagi bahs ertaga, 15 aprel kuni Myunxenda bo‘lib o‘tadi.
