«Барселона» Испания жамоалари ўртасида Чемпионлар Лигасида гол ўтказиб юборилган ўйинларнинг энг узун сериясини қайд этмоқда.

Ханс-Дитер Флик жамоаси турнирнинг 1/4 финали доирасида «Атлетико»га қарши жавоб учрашувини ўтказмоқда (танаффусда ҳисоб – 2:1). Биринчи ўйинда каталонияликлар 0:2 ҳисобида мағлубиятга учраган эдилар.

Каталонияликлар Чемпионлар Лигаси тарихида кетма-кет 15 та ўйинда гол ўтказиб юборган илк Испания жамоасига айланди. Улар ушбу мусобақадаги сўнгги «қуруқ» ўйинини (гол ўтказилмаган баҳс) ўтган йилнинг 9 апрель куни Дортмунднинг «Боруссия» жамоасига қарши (4:0) ўтказишган эди.