«Барселона»нинг собиқ ҳужумчиси Тьерри Анри каталонияликларнинг Чемпионлар лигасидан чиқиб кетгани ҳақидаги фикрлари билан ўртоқлашди. Чорак финалда Ханс-Дитер Флик жамоаси Мадриднинг «Атлетико» клубига умумий 2:3 ҳисобида (0:2, 2:1) имкониятни бой берди.

«Биз ҳакамликни туни билан муҳокама қилишимиз мумкин, лекин ўз-ўзимизни танқид қилишни ҳам ўрганишимиз керак — жамоада яхшиланиши лозим бўлган соҳалар жуда кўп ва клуб уларни ҳал қилиши шарт. Агар ҳаммаси шундайлигича қолса, биз кейинги ўн йил давомида ҳам айни бир хил муаммоларга гувоҳ бўламиз, бу эса чинакам шармандалик», — деди Анри CBS телеканалига берган интервьюсида.

«Бу жамоа ҳатто ўйинни назорат қилаётган пайтда ҳам рақибларга имконият тақдим этади. Юқори даражадаги барқарорликсиз элита мақомини сақлаб қолишга умид қилиб бўлмайди. Буни айтиш мен учун оғриқли, аммо ушбу клубга зудлик билан юқори савияли (элита даражасидаги) марказий ҳимоячилар керак. Бўш ҳудудларни ёпишга имкон берадиган чидамлилик ёки тезликсиз, ўйинлар ҳақиқий даҳшатга айланаверади. Бу шунчаки биргина омадсиз оқшом эмас — бу дарҳол эътибор қаратишни талаб қиладиган чуқур илдиз отган таркибий муаммодир», — дея қўшимча қилди юлдузли собиқ ҳужумчи.