«Манчестер Сити» бош мураббийи Хосеп Гвардиола Лондоннинг «Арсенал» жамоасига қарши муҳим ўйин олдидан ўз футболчиларига икки кунлик дам олиш берди. Бу ҳақда журналист Пол Херст хабар бермоқда.
Манбанинг маълум қилишича, «Манчестер Сити» фақатгина енгил тикланиш машғулотини ўтказган, шундан сўнг таркибга сешанба ва чоршанба кунлари учун жавоб берилган. Шу билан бирга, «Арсенал» 15 апрель куни Чемпионлар лигаси чорак финали доирасида «Спортинг»га қарши жавоб учрашувида майдонга тушиши керак.
Англия Премьер-лигасининг 33-туридан ўрин олган «Манчестер Сити» ва «Арсенал» ўртасидаги тўқнашув 19 апрель куни бўлиб ўтади.
Ҳозирда «канонирлар» турнир жадвалида пешқадамлик қилмоқда ва «шаҳарликлар»ни олти очкога ортда қолдиряпти. Бироқ Гвардиола жамоасида битта захира ўйини мавжуд.
