«Ливерпуль» ҳужумчиси Уго Экитике сешанба куни Чемпионлар лигаси доирасида «ПСЖ»га қарши кечган баҳсда жиддий жароҳат олди. Матбуотда тарқалган маълумотларга кўра, ҳужумчи 2026 йил якунига қадар майдонга туша олмайди — унинг тикланиши тахминан тўққиз ой давом этиши мумкин.
Франция терма жамоасидаги шеригининг жароҳатига Килиан Мбаппе ҳам муносабат билдирди. У ижтимоий тармоқларда Экитикенинг майдонда оғриқдан қийналиб ётган суратини жойлаштирди. Килиан Угонинг саҳифасини белгилаб, унга ўз далдасини ифодаловчи бир нечта Эмодзиларни қўшиб қўйди.
Эслатиб ўтамиз, «Ливерпуль» ўз майдонида «ПСЖ»га 0:2 ҳисобида имкониятни бой бериб, Чемпионлар лигасини тарк этди.
