"Манчестер Сити" ҳужумчиси Серхио Агуэро ўзининг ҳозирги жамоаси билан бахтли эканини таъкидлаб ўтди.
"Ҳа, бир ёки иккита таклиф бўлганди, аммо уларга қизиқиб ҳам ўтирмадим. "Манчестер Сити"да жуда бахтлиман. Бу шаҳарни севаман. Биз тўртта совринни ҳам ютмоқчимиз: Чемпионлар лигаси, Премьер-лига, Лига кубоги ва Англия кубоги!
Шундай бўлади деб умид қиламан. Англиядаги биринчи мавсумим - 2011/2012 йилларда совринлар ютганим жуда ажойиб бўлганди.
Ўтган мавсум у қадар яхши ўтмади, хафсаламиз пир бўлди. Англия кубоги финалига чиқдик, лекин бу билан ҳеч нарса ўзгариб қолгани йўқ. Чунки якунда бирортаям совринсиз қолдик", дея аргентиналикнинг сўзларидан иқтибос келтиради Sky Sports.













