«Ан-Наср» бош мураббийи Жорже Жезуш ҳужумчи Криштиану Роналдунинг соғлиғидаги муаммолар сабабли уни асрамоқчи бўлганини тан олди.
Чоршанба куни Ар-Риёд жамоаси Кингсли Команнинг голи эвазига «Ал-Иттифоқ» устидан минимал (1:0) ҳисобда ғалаба қозонди. Маълум бўлишича, Роналду ўзини ёмон ҳис қилаётган бўлса-да майдонда ҳаракат қилган — у фақат 89-дақиқага келиб алмаштирилди.
«Мен Криштиануни майдонга туширишни истамагандим — унинг ҳолати анча ёмон эди. Унинг ошқозонида муаммолар бор эди, шунингдек, у умумий чарчоқни ҳис қилаётганди», — дея жавоб берди мураббий Жезуш журналистлар билан суҳбатда 41 ёшли юлдуз ҳақидаги саволга.
«Ан-Наср» Саудия Арабистони чемпионати турнир жадвалида пешқадамлик қилмоқда. Жамоа «Ал-Ҳилол»ни 8 очкога ортда қолдирмоқда, бироқ таъқибчининг захирасида битта ўйини бор.
