«Барселона» ҳимоячиси Рональд Араухо жамоасининг Чемпионлар лигасидан чиқиб кетганига изоҳ берди.

«Бу тарзда мусобақани тарк этиш оғриқли. Биз янада кучлироқ бўлиб қайтиш ва мухлисларимизга улар лойиқ бўлган қувончни ҳадя этиш учун бор кучимизни берамиз. Ҳар доим биз билан бўлганингиз учун раҳмат», — деб ёзди Араухо ижтимоий тармоқдаги саҳифасида.

Эслатиб ўтамиз, аввалроқ «Барселона» икки ўйин натижасига кўра «Атлетико»га имкониятни бой бериб (0:2, 2:1), Чемпионлар лигасининг чорак финалида иштирокини тўхтатган эди.

Испания чемпионатида «Барселона» 31 турдан сўнг 79 очко жамғарган ҳолда турнир жадвалида пешқадамлик қилмоқда.

«Кўк-анорранглилар» навбатдаги учрашувини 22 апрель куни ўтказади. Каталонияликларга «Сельта» жамоаси рақиблик қилади.