«Челси»нинг собиқ аъзоси Марсель Десайи Лондон клубининг жорий мавсумдаги иштироки ҳақида ўз фикрлари билан ўртоқлашди.
«Улар Премьер-лиганинг сўнгги тўртта ўйинидан учтасида мағлубиятга учрашди. Барқарорлик йўқ. Эҳтимол, улар мавсум финишини кучли ўтказиб, «Манчестер Юнайтед»ни мағлуб этарлар. Ҳеч қачон аниқ билиб бўлмайди, улар кутилмаганда «осмондан ерга тушиб» қолишлари ҳам мумкин», — дея экспертнинг сўзларини келтиради Goal нашри.
Десайининг фикрича, «Челси»нинг асосий муаммоси — дарвозабон позицияси. Эксперт Роберт Санчес инглиз клуби даражасига жавоб бермайди, деб ҳисоблайди.
Айни дамда Лиам Росеньор шогирдлари Англия чемпионати турнир жадвалида 48 очко билан олтинчи ўринда бормоқда.
