Пайшанба куни Goal портали саҳифаларида 2026 йилги «Олтин тўп» совринини қўлга киритишга асосий номзодлар рейтинги янгиланди. Ушбу рейтинг охирги марта бир ҳафта аввал янгиланган эди. Рўйхатнинг биринчи поғонасида ҳамон «Бавария» ҳужумчиси Ҳарри Кейн бормоқда.
Иккинчи ўринга «Бавария»нинг яна бир аъзоси – Майкл Олисе кўтарилди. «Реал» ҳужумчиси Килиан Мбаппе эса, ўз навбатида, учинчи поғонага тушиб қолди.
Кучли ўнликнинг қолган қисмида кетма-кетликда Ламин Ямал, Луис Диас, Эрлинг Холанд, Усман Дембеле, Хулиан Альварес, Витинья ва Деклан Райс жой олган.
Рафинья 12-ўриндан жой олди. Лионель Месси 14-поғонадан 15-поғонага пастлади, Криштиану Роналду эса 18-ўриндан 17-ўринга кўтарилди.
