"Навбаҳор" - "Динамо" ўйиндан кейин меҳмонлар бош мураббийи ҳам ўз фикрларини билдириб ўтди.

Равшан Ҳайдаров ("Динамо" бош мураббийи): «Назаримда иккинчи даврада осон ўйинни ўзи бўлмайди. Ҳар бир учрашув кескин ва муросасиз руҳда ўтади. Бугунги баҳс ҳам бундан мустасно бўлмади.

Ҳар икки жамоада ҳам очколар сони у қадар кўп бўлмаганлиги боис томонларни майдонга фақат ғалабани кўзлаб тушишга ундамоқда. Шу сабабдан мезбонлар ҳам, биз ҳам уч очкони мақсад қилгандик. Афсуски икки ўйиндан бери футболчиларимиз дебютда гол ўтказиб юборишмоқда. Айнан шу жиҳат бизни ўйлантириб безовта қилмоқда.

Тезкор гол ўтказиб юборилганидан кейин футболчиларимиз вазиятни тенглаштириб, ўз ўйинларини кўрсатишмоқда. Ўйлашимча бугун жамоамиз кўп ҳолларда ташаббусга эришди. Албатта “Навбаҳор” жамоасида ҳам қарши ҳужумларда гол уриш учун имкониятлар бўлганди. Бироқ, дарвозабонимиз маҳоратини намойиш этиб, жамоамиз фойдасига ҳаракат қилдик. Иккинчи бўлимда устунликни қўлга олишимиз натижасида ҳисони тенглаштиришни уддасидан чиқдик. Умуман олганда ўйин дуранга мос тарзда ўтди».