Мадриднинг «Реал» клуби собиқ скаути Маноло Ромеро «қироллик клуби» УЕФА Чемпионлар лигасини тарк этганидан сўнг, жамоанинг бразилиялик вингери Винисиус Жуниор шаънига танқидий фикрлар билдирди.
«У вазиятлардан фойдаланиш устида ишлаши, каллани ишлатиши керак. Эҳтимол, унинг мияси машқларга бўйсунмас, аммо зарбани якунлаш маҳоратига таъсир ўтказса бўлади. Бунинг устида ишлаш лозим», — дея Ромеронинг сўзларини келтиради Cadena Ser.
Эслатиб ўтамиз, Чемпионлар лигаси чорак финал жавоб учрашувида «Реал» сафарда «Бавария»га 3:4 ҳисобида имкониятни бой берди. Икки ўйин натижасига кўра «қаймоқранглилар» 4:6 ҳисобида мағлуб бўлишди.
Еврокубокнинг ярим финалида Мюнхен гранди Франциянинг «ПСЖ» жамоаси билан тўқнаш келади.
