Madridning «Real» klubi sobiq skauti Manolo Romero «qirollik klubi» UYEFA Chempionlar ligasini tark etganidan so‘ng, jamoaning braziliyalik vingeri Vinisius Junior sha’niga tanqidiy fikrlar bildirdi.

«U vaziyatlardan foydalanish ustida ishlashi, kallani ishlatishi kerak. Ehtimol, uning miyasi mashqlarga bo‘ysunmas, ammo zarbani yakunlash mahoratiga ta’sir o‘tkazsa bo‘ladi. Buning ustida ishlash lozim», — deya Romeroning so‘zlarini keltiradi Cadena Ser.

Eslatib o‘tamiz, Chempionlar ligasi chorak final javob uchrashuvida «Real» safarda «Bavariya»ga 3:4 hisobida imkoniyatni boy berdi. Ikki o‘yin natijasiga ko‘ra «qaymoqranglilar» 4:6 hisobida mag‘lub bo‘lishdi.

Yevrokubokning yarim finalida Myunxen grandi Fransiyaning «PSJ» jamoasi bilan to‘qnash keladi.