«Ювентус» раҳбарияти ҳужумчи Душан Влаховичнинг вакиллари билан янги шартнома борасидаги музокараларда танаффус қилишга қарор қилди.
La Gazzetta dello Sport нашрининг таъкидлашича, туринликлар ва ҳужумчи ўртасидаги музокаралар мавсум якунига қадар қолдирилган. Бу шуни англатадики, сербиялик футболчи ёзда клубни эркин агент сифатида тарк этиши мумкин, чунки унинг амалдаги шартномаси шу йилнинг июнь ойигача мўлжалланган.
Манбанинг қайд этишича, воқеаларнинг бундай тус олиши Влаховичнинг «Ювентус»дан кетиши муқаррар эканлигидан далолат бериши мумкин.
Аввалроқ, «Ювентус» Влахович билан шартномани узайтиришга ҳаракат қилаётгани, унга кўра ҳужумчи А Сериядаги энг юқори маошини (йилига 12 миллион евро) икки баробарга қисқартириб, тахминан 6 миллион еврога рози бўлиши кераклиги хабар қилинганди. Катта эҳтимол билан, бу таклиф футболчини қаноатлантирмаган.
