Австриялик ҳимоячи Давид Алаба катта эҳтимол билан жорий мавсум якунланганидан сўнг Мадриднинг «Реал» клубини тарк этади. Бу ҳақда нуфузли инсайдер Фабрицио Романо хабар бермоқда.
Манбанинг маълумотларига кўра, томонлар шу ёзда ниҳоясига етадиган меҳнат шартномасини узайтиришмайди. Таъкидланишича, бир нечта клублар аллақачон эҳтимолий ҳамкорлик борасида ҳимоячига мурожаат қилишган.
Алаба 2021 йилнинг ёзида Мюнхеннинг «Бавария» клубидан ўтганидан бери «Реал» шарафини ҳимоя қилиб келмоқда. Жорий мавсумда 33 ёшли футболчи барча турнирларда 13 та ўйинда иштирок этди ва самарали ҳаракатлари билан ажралиб турмади.
