Мюнхеннинг «Бавария» жамоаси ва Англия терма жамоаси ҳужумчиси Харри Кейн ўз жамоадоши — Франция терма жамоаси қанот ҳужумчиси Майкл Олисенинг даражасини юқори баҳолади.
«Менимча, ҳозирги пайтда Майкл Олисе дунёдаги энг яхши вингер», — деди Харри Кейн. Унинг сўзларини машҳур журналист ва инсайдер Фабрицио Романо ўзининг X саҳифасида келтирган.
Таъкидлаш жоиз, яқинда Goal.com портали 2026 йилги «Олтин тўп» учун асосий даъвогарлар рейтингини янгилади. Унда Харри Кейн биринчи ўринни эгаллаган бўлса, Майкл Олисе иккинчи поғонадан жой олди.
Жорий мавсумда Харри Кейн «Бавария» сафида барча мусобақаларда 42 та ўйинда майдонга тушиб, 50 та гол ва 6 та голли узатма муаллифи бўлди. Майкл Олисе эса 43 та ўйинда 18 та гол ва 29 та ассист қайд этган.













