Лондоннинг «Тоттенхэм» клуби ярим ҳимоячиси Конор Галлахер ёзги трансфер ойнасида жамоани тарк этиши мумкин. Бу ҳақда Football Insider нашри хабар бермоқда.

Манбанинг маълумотларига кўра, «шпорлар» 26 ёшли футболчи билан хайрлашишга тайёр, унинг хизматларига Премьер-лиганинг бир нечта клублари қизиқиш билдирмоқда. «Тоттенхэм» раҳбарияти Галлахернинг сифатлари Лукас Бергвалль ва Папе Матар Саррнинг имкониятлари билан бир хил деб ҳисоблайди, шу сабабли унинг кетиши жамоа учун оғриқли бўлмайди.

«Тоттенхэм» Галлахерни ўтган қишда Мадриднинг «Атлетико» клубидан 40 миллион евро эвазига сотиб олган эди. «Шпорлар» таркибида ярим ҳимоячи 12 та ўйинда майдонга тушди ва битта голли узатмани амалга оширди.

Галлахернинг «Тоттенхэм» билан амалдаги шартномаси 2031 йилнинг ёзига қадар мўлжалланган.