«Манчестер Сити»га тегишли бўлган ва ҳозирда ижара асосида «Жирона»да тўп сураётган бразилиялик ҳимоячи Витор Рейс Англияга қайтишни истамоқда. Бу ҳақда журналист Симон Байковски хабар бермоқда.
Манбанинг маълумотларига кўра, 20 ёшли футболчи кейинги мавсумда «Манчестер Сити»га қайтишни мақсад қилган. Таъкидланишича, Рейснинг асосий нияти — Хосеп Гвардиола лойиҳасининг бир қисмига айланиш ва жамоада муҳим роль ўйнашдир.
2025 йилнинг январида «Манчестер Сити» Рейсни «Палмейрас»дан 37 миллион евро эвазига сотиб олган эди. Август ойидан бери футболчи ижара асосида «Жирона» шарафини ҳимоя қилиб келмоқда.
Каталонияликлар таркибида Рейс барча турнирларни ҳисобга олган ҳолда 31 та ўйинда иштирок этди, битта гол урди ва битта голли узатмага муаллифлик қилди.
