«Manchester Siti»ga tegishli bo‘lgan va hozirda ijara asosida «Jirona»da to‘p surayotgan braziliyalik himoyachi Vitor Reys Angliyaga qaytishni istamoqda. Bu haqda jurnalist Simon Baykovski xabar bermoqda.
Manbaning ma’lumotlariga ko‘ra, 20 yoshli futbolchi keyingi mavsumda «Manchester Siti»ga qaytishni maqsad qilgan. Ta’kidlanishicha, Reysning asosiy niyati — Xosep Gvardiola loyihasining bir qismiga aylanish va jamoada muhim rol o‘ynashdir.
2025 yilning yanvarida «Manchester Siti» Reysni «Palmeyras»dan 37 million yevro evaziga sotib olgan edi. Avgust oyidan beri futbolchi ijara asosida «Jirona» sharafini himoya qilib kelmoqda.
Kataloniyaliklar tarkibida Reys barcha turnirlarni hisobga olgan holda 31 ta o‘yinda ishtirok etdi, bitta gol urdi va bitta golli uzatmaga mualliflik qildi.
