«Манчестер Юнайтед» Премьер-лига доирасида «Челси»га қарши кечадиган сафар ўйинига тайёргарлик кўрмоқда. Журналист Сэмюэл Лакхерстнинг ижтимоий тармоқларда хабар беришича, ҳимоячи Лени Йоро жароҳат олган ва Лондонга йўл олмаган.
Йоронинг жароҳати Майкл Кэррикнинг бош оғриғини янада кўпайтирди. Гап шундаки, Лисандро Мартинес ва Гарри Магуайр дисквалификация туфайли «Челси» билан ўйинни ўтказиб юборишади. Маттейс де Лигт эса лазаретда қолмоқда.
«Челси» ва «Манчестер Юнайтед» ўртасидаги баҳс шанба, 18 апрель куни бўлиб ўтади. «Стэмфорд Бридж»даги учрашув Тошкент вақти билан соат 00:00 да бошланади.
Айни дамда «Манчестер Юнайтед» Англия чемпионати турнир жадвалида учинчи ўринни эгаллаб турибди.
