Лондоннинг «Арсенал» клуби афсонаси Мартин Киоун жамоа учун Чемпионлар лигаси финалида қайси рақиб қулайроқ эканлигини айтди.
«Канонирлар» ярим финалда Мадриднинг «Атлетико» жамоаси билан тўқнаш келишади. Финалнинг иккинчи йўлланмаси учун эса «Бавария» ва «ПСЖ» ўзаро баҳс олиб боради.
«Финалга чиққан тақдирда, "Арсенал" учун ким билан ўйнаш қулайроқ? Буни айтиш қийин, лекин мен "Бавария"ни танлаган бўлардим. Бу мавсумда биз "Арсенал" ушбу жамоани мағлуб этишга қодир эканини кўрдик, гарчи ҳозирда "Бавария" ўз спорт формасини тиклаб бораётган бўлса-да. Мен ақл бовар қилмайдиган тезликда ўйин намойиш этаётган "ПСЖ"дан кўра, айнан немис клубини афзал кўрган бўлардим», — дея инглиз ОАВлари Киоуннинг сўзларини келтирмоқда.
Ярим финал учрашувлари 28-29 апрель ва 5-6 май кунлари бўлиб ўтади. Финал эса 30 майга режалаштирилган.
