«Атлетико» бош мураббийи Диего Симеоне Испания Кубоги финали доирасида «Реал Сосьедад»га қарши бўлиб ўтадиган ўйин олдидан қандай ҳиссиётларни бошдан кечираётгани ҳақида гапириб берди.

Жамоалар ўртасидаги учрашув шанба куни, 18 апрель куни бўлиб ўтади.

«Биз ҳар қандай спортчи учун финалда ўйнаш нимани англатишини яхши биламиз. Бу ерда гап нафақат Испания Кубогида ғолиб чиқиш ҳақида кетмоқда; бу биз клуб сифатида олдимизга қўйган мақсад, бошқа кўплаб ютуқларга етакловчи мақсаддир. Ҳиссиётлар? Мен хотиржамман, вазминман ва фикрларимни жамлаганман. Футболчиларни айнан мана шундай ҳолатда қўллаб-қувватлашни афзал кўраман», — дея Симеоненинг сўзларини келтиради Sport.es.

Аввалроқ, «Реал Сосьедад»нинг россиялик ярим ҳимоячиси Арсен Захарян касаллиги сабабли «Атлетико»га қарши Испания Кубоги финали қайдномасига киритилмагани маълум бўлган эди.