«Эспаньол» ёшлар жамоаси ярим ҳимоячиси Поль Сабади «Барселона» академиясига ўтишга яқин турибди. Ёш испаниялик ўз ёш тоифасидаги энг истиқболли футболчилардан бири ҳисобланади. Журналист Хауме Марсенинг хабар беришича, 14 ёшли футболчи тез орада «кўк-анорранглилар» сафига бориб қўшилади.

Ярим ҳимоячига Мадриднинг «Реал» клуби ҳам қизиқиш билдирган эди, бироқ футболчи Каталонияда қолишни афзал кўрди. Поль Сабади Испаниянинг 15 ёшгача бўлган терма жамоаси аъзоси ҳисобланади. Шу йилнинг июль ойида у 15 ёшни қарши олади.

Эслатиб ўтамиз, ўтган йилнинг ёзида «Барселона» «Эспаньол»дан асосий дарвозабон Жоан Гарсияни ўз сафига қўшиб олган эди, бу эса «оқ-кўклар» мухлисларининг кескин норозилигига сабаб бўлганди.