Ҳозирда ижара асосида «Барселона»да тўп сураётган вингер Маркус Рэшфорд «Манчестер Юнайтед»да янги имкониятга эга бўлиши мумкин. Аввалроқ «қизил иблислар» ўз тарбияланувчисини келаётган ёзда сотиб юбориши тахмин қилинган эди, бироқ энди вазият ўзгармоқда.

MatchDay Central нашрининг хабар беришича, 28 ёшли футболчи ўз қадрдон клубига қайтишга тайёр — у манкунианликларнинг янги лойиҳасининг бир қисми бўлишга қарши эмас. Маркус Рэшфорднинг «Юнайтед» билан амалдаги шартномаси 2028 йилнинг ўрталаригача мўлжалланган. Жорий мавсумда инглиз футболчиси «Барселона» сафида барча мусобақаларда 43 та ўйинда майдонга тушиб, 12 та гол ва 13 та голли узатмани ўз ҳисобига ёзиб қўйди.