«Челси» клуби «Тоттенхэм» ва «Вест Хэм» жамоаларининг Англия Премьер-лигасида жон сақлаб қолиш учун олиб бораётган курашини диққат билан кузатиб бормоқда. Агар ушбу жамоалар мавсум якунига кўра Чемпионшипга тушиб кетса, «шпорлар» ва «болғачилар»нинг кўплаб етакчилари клубни тарк этишга ҳаракат қилишлари мумкин.
Журналист Саймон Филлипснинг хабар беришича, «Челси» бу вазиятдан ўз манфаатлари йўлида фойдаланишга тайёр: «кўклар» «Тоттенхэм»дан Моҳаммед Кудус ва Лукас Бергваллга, шунингдек, «Вест Хэм»дан Жаррод Боуэнга даъвогарлик қилмоқда. Агар клублар қуйи дивизионга тушиб кетса, ушбу футболчиларнинг барчаси пасайтирилган нархларда сотиб олиниши мумкин.
Айни дамда «Тоттенхэм» 30 очко билан хавфли ҳудудда — 18-ўринда бормоқда. «Вест Хэм» эса 32 очко билан 17-поғонани эгаллаб турибди. Мавсум якунига қадар олтита тур қолди.
