«Манчестер Сити» бош мураббийи Хосеп Гвардиола Премьер-лига доирасидаги «Арсенал»га қарши бўлажак ўйин ҳақида фикр билдирди. Журналистлар Гвардиоладан ушбу баҳсда унинг жамоаси аутсайдерми ёки йўқлигини сўрашди.
«Сизнинг нима демоқчи эканингизни тушуниб турибман, лекин балки биз аутсайдер эмасдирмиз. «Арсенал» айни дамда энг яхши спорт формасида эмас. Артета Чемпионлар лигасидаги ўйинидан сўнг, улар бу босқичгача етиб келган ягона инглиз жамоаси эканлигини айтди. Улар Чемпионлар лигасида мағлубиятсиз ҳаракат қилишмоқда. Бироқ биз уларга чақирув ташламоқчимиз.
Бугун футболчиларимга айтдим: бу шунчаки футбол ўйини ва биз унга футбол ўйини сифатида қарашимиз керак. Агар ҳиссиётларга берилсангиз — диққатни йўқотасиз. Мақсадимиз — яхши ўйин кўрсатиш. Айнан шу ишни амалга оширишимиз керак», — деди Гвардиола журналистларга.
