«Барселона» бош мураббийи Ханс-Дитер Флик аллақачон ёзги трансфер ойнаси учун режалар тузишни бошлади. Немис мутахассиси «Ла Масия» битирувчиларининг иқтидоридан ҳайратда, бироқ у жамоада тажриба етишмаяпти деб ҳисоблайди.
Sport нашрининг хабарига кўра, Флик клуб раҳбариятидан камида битта ўрта ёшдаги (26 ёшдан 28 ёшгача бўлган) футболчини сотиб олишни сўраган. Мураббийнинг фикрича, бундай ўйинчилар ёшлар ва фахрий футболчилар ўртасида муҳим боғловчи бўғин бўлиб хизмат қилади.
Яқинда «Барселона» Чемпионлар лигаси 1/4 финалида «Атлетико»га имкониятни бой бериб, мусобақани тарк этди. Ла Лигада эса каталонияликлар ишонч билан пешқадамлик қилмоқда: мавсум якунига атиги етти тур қолганда улар Мадриднинг «Реал» клубини тўққиз очкога ортда қолдирмоқда.
