Мадриднинг «Реал» клуби президенти Флорентино Перес жорий мавсумдан сўнг жамоани жиддий равишда янгилашни режалаштирмоқда. У клубни тарк этадиган саккиз нафар футболчи рўйхатини тузган. Бу ҳақда Sport.es хабар берди.

Манбага кўра, ушбу рўйхатда биринчи ўринда Эдуарду Камавинга турибди — у ўтган ёздаёқ жамоани тарк этиш истагини билдирган эди. Шунингдек, ҳимоячилар Фран Гарсия ва Рауль Асенсио, ҳамда ярим ҳимоячи Дани Себальос ҳам клубни тарк этиши кутилмоқда.

«Реал Мадрид» раҳбарияти ҳимоячилар Давид Алаба ва Дани Карвахаль билан ёзда тугайдиган шартномаларни узайтиришни режалаштирмаяпти.

Бундан ташқари, ҳужумчилар Франко Мастантуоно ва Гонсало Гарсия ижарага берилиши мумкин.

Шу билан бирга, Винисиус Жуниор ёки Джуд Беллингемдан бири сотилиши эҳтимоли ҳам истисно этилмаяпти.