«Борнмут» жамоаси барчани ҳайратда қолдиришда давом этмоқда. Шанба куни Андони Ираола шогирдлари сафарда «Ньюкасл»ни 2:1 ҳисобида мағлуб этди.

Бунинг натижасида «Борнмут»нинг Премьер-лигадаги мағлубиятсиз серияси 13 та ўйинга етди. Ушбу серия давомида «олчалар» олти бор ғалаба қозонишди ва етти марта дуранг қайд этишди. Қизиғи шундаки, айни дамда айнан «Борнмут» Европанинг топ-5 лигалари ичида энг узоқ давом этаётган мағлубиятсиз серияга эга бўлиб турибди.

Шунингдек, таъкидлаш жоизки, «Борнмут»нинг бу муваффақиятли сериясидан «Ливерпуль» (3:2 ғалаба), «Манчестер Юнайтед» (2:2 дуранг) ва «Арсенал» (2:1 ғалаба) каби жамоаларга қарши ўйинлар ҳам ўрин олган. Бир неча кун олдин «Борнмут» мавсум якунланганидан кейин Андони Ираола мураббийлик лавозимини тарк этишини эълон қилган эди.