«Наполи» Италия чемпионатининг 33-тури доирасидаги ўз майдонида кечган баҳсда «Лацио»га имкониятни бой берди — 0:2.

Меҳмонлар сафида голларга Тома Башич ва Маттео Кансельери муаллифлик қилишди. Кансельери ҳисобида, шунингдек, битта голли узатма ҳам бор. Биринчи бўлимда «Лацио» сардори Маттиа Дзакканьи пенальтидан унумли фойдалана олмаган эди.

Ушбу ғалабадан сўнг «Лацио» очколари сонини 47 тага етказиб, А Серия турнир жадвалида тўққизинчи ўринни эгаллаб турибди. «Наполи» эса 66 очко билан иккинчи поғонада қолди.

«НАПОЛИ» — «ЛАЦИО» — 0:2

Голлар: Маттео Канчельери 6 (0:1), Тома Башич 57 (0:2).

Амалга оширилмаган пенальти: Маттиа Дзакканьи 31 (дарвозабон).

«Наполи»: Милинкович-Савич, Буонджорно, Оливера, Бекема, Лоботка (Гутьеррес, 63), Замбо Ангисса (Эльмас, 46), Спинаццола (Жоване, 63), Политано (Маццокки, 72), Скотт Мактоминай, Кевин Де Брейне (Сантос, 46), Расмус Хейлунн.

«Лацио»: Мотта, Романьоли, Марио Хила (Габаррон, 61), Нуну Тавареш, Лаццари (Хюсай, 82), Катальди (Провстгор, 61), Тэйлор, Башич (Деле-Баширу, 71), Дзакканьи (Булайе Диа, 61), Канчельери, Тижани Нослин.

Огоҳлантиришлар: Лоботка (29) — Катальди (33), Тэйлор (60), Диа (90).