«Рома» Италия чемпионатининг 33-тури доирасидаги ўз майдонида кечган баҳсда «Аталанта» билан дуранг ўйнади — 1:1.

Бергамоликлар сафида 12-дақиқада Никола Крстович ҳисобни очди. Римликлар биринчи бўлим якунида, 45-дақиқада Марио Эрмосонинг голи эвазига мувозанатни тиклашга муваффақ бўлишди.

Ушбу натижадан сўнг «Рома» 58 очко жамғарган ҳолда А Серия турнир жадвалида олтинчи ўринни эгаллаб турибди. «Аталанта» эса 54 очко билан еттинчи поғонадан жой олган.

«РОМА» — «АТАЛАНТА» — 1:1

Голлар: Никола Крстович 12 (0:1), Марио Эрмосо 45 (1:1).

«Рома»: Свилар, Н`Дика, Эрмосо, Манчини (Гиларди, 60), Кристанте, Эль-Айнауи (Пизилли, 60), Ренч (Цимикас, 78), Зеки Челик, Соуле (Ваз, 71), Эль-Шаарави (Вентурино, 60), Дониэлл Мален.

«Аталанта»: Карнесекки, Джимсити, Колашинац (Коссуну, 46), Скальвини (Аханор, 46), Эдерсон (Пашалич, 80), де Рон, Дзаппакоста, Белланова (Бернаскони, 54), Де Кетеларе (Никола Залевски, 46), Жакомо Распадори, Никола Крстович.

Огоҳлантиришлар: Пизилли (75) — Эдерсон (65), Джимсити (90).