Лондоннинг «Арсенал» клуби ҳужумчиси Габриэл Мартинелли «туманли Альбион»ни тарк этиб, фаолиятини Франция чемпионатида давом эттириши мумкин. Бу ҳақда Британия оммавий ахборот воситалари хабар бермоқда.
Бразилиялик футболчининг трансферига УЕФА Чемпионлар лигасининг амалдаги ғолиби — «ПСЖ» қизиқиш билдирмоқда. Париж гранди раҳбарияти Мартинеллининг ўтишини шу ёзги трансфер ойнасида амалга оширишни режалаштирган.
24 ёшли бразилиялик футболчи 2019 йилнинг ёзидан буён Лондон жамоаси шарафини ҳимоя қилиб келмоқда. Габриэлнинг бозор қиймати 45 миллион еврога баҳоланмоқда, унинг амалдаги шартномаси эса 2027 йил июнь ойи охиригача мўлжалланган. АПЛнинг жорий мавсумида Мартинелли 26 та ўйинда майдонга тушиб, ўз ҳисобига битта гол ва учта голли узатмани ёздириб қўйди.
