«Интер Майами» бош мураббийи вазифасини бажарувчи Гильермо Ойос ҳужумчи Лионель Мессини ноодатий тарзда мақтади. 38 ёшли футболчи МЛС доирасидаги «Колорадо Рэпидс»га қарши ўйинда (3:2) дубль қайд этиб, «чайкалар»га (жамоа лақаби) ғалаба қозонишда ёрдам берди.

«Дунёнинг энг яхши мураббийи майдонда — ва бу Лео Месси. Биз эса шунчаки йўналтирувчилармиз», — дея Ойоснинг сўзларини Inter Miami News Hub нашри келтирмоқда.

Вақтинчалик мураббий бу лавозимни яқиндагина эгаллаган эди — у истеъфога чиққан Хавьер Маскеранонинг ўрнини эгаллади. Лионель Месси МЛСнинг жорий мавсумидаги тўпурарлар рўйхатида еттита ўйинда еттита гол билан иккинчи ўринни эгаллаб турибди. Ундан юқорида фақат «Даллас» футболчиси Петар Муса бор (9 та гол).