«Тоттенхэм» бош мураббийи Роберто де Дзерби «Брайтон» билан қайд этилган дурангдан сўнг (2:2), Премьер-лигада қолиш учун кураш ҳақида гапирди. «Шпорлар» ғалабага жуда яқин эдилар, бироқ 95-дақиқада гол ўтказиб юбориб, муҳим икки очкони йўқотишди.
«Ҳеч нарса тугагани йўқ, олдинда яна бешта ўйин бор. Барчага маълумки, бизга оғир, вазият ҳақиқатан ҳам мураккаб. Лекин олдинда бешта ўйин — потенциал 15 очко турибди. Жамоамиз кетма-кет беш марта ғалаба қозонишга қодир», — дея журналист Жорж Сешнс де Дзербининг сўзларини келтирмоқда.
«Тоттенхэм» ҳамон хавфли ҳудудда қолмоқда. 17-ўриндаги «Вест Хэм»дан фарқ битта очкони ташкил этади, бироқ «болғачилар» ҳисобида битта захира ўйини мавжуд.
