«Аталанта» ярим ҳимоячиси Эдерсон Европа грандларининг эътибор марказида қолмоқда. Аввалроқ бразилиялик футболчининг Мадриднинг «Атлетико» клуби билан олдиндан келишувга эришгани ҳақида хабар берилган эди, бироқ бергамаликлар ҳозирча ўз юлдузининг сотилишига рухсат беришгани йўқ.

Шундай бўлса-да, журналист Дэвид Орнштейннинг маълум қилишича, кўплаб омиллар Эдерсоннинг трансфер ойнаси очилиши билан барибир клубини ўзгартиришига ишора қилмоқда. 26 ёшли ўйинчи учун «матрасчилар» билан курашишга «Манчестер Юнайтед» ва Лондоннинг «Арсенал» клублари ҳам тайёр.

Тахминларга кўра, Эдерсоннинг трансфери харидорларга тахминан 40 миллион еврога тушади, ваҳоланки айни дамда «Аталанта» футболчи учун 50 миллион евро талаб қилмоқда.