«Лестер»ни Англиянинг энг яхши жамоасига айлантирган италиялик мутахассис Клаудио Раньери «тулкилар» билан ўтган фаолиятини ёдга олди. 2015-16 йилги мавсум якунларига кўра қўлга киритилган унвон жамоа тарихидаги ягона чемпионлик ҳисобланади.
«Афсуски, кейинги мавсум у қадар муваффақиятли кечмади. Мен ҳаммани эришган натижамизни такрорлай олмаслигимиздан огоҳлантиргандим. Бунинг иложи йўқ эди. Агар бунга ўрганмаган бўлсангиз, бир вақтнинг ўзида ҳам чемпионатда, ҳам Чемпионлар лигасида ўйнаш жуда қийин. Бу жуда катта жисмоний ва руҳий куч талаб қилади», — деб эслайди Раньери FourFourTwo нашрига берган интервьюсида.
Ҳозирда Раньери «Рома» клубида техник директор лавозимида ишламоқда, «Лестер» эса Чемпионшипнинг хавфли ҳудудида (пастки ўринларда) бормоқда.
