Нидерландиялик ҳимоячи Виржил ван Дейк «Эвертон»га қарши баҳснинг сўнгги сонияларида ғалаба голини уриб, «Ливерпуль»га муҳим учрашувда зафар келтирди. Ўйиндан сўнг у инглиз журналистларига берган интервьюсида ушбу муваффақиятга изоҳ берди.
«Бу гол Чемпионлар лигаси ҳудуди учун курашда биз учун жуда муҳим. Олдимизда яна бешта ўйин бор ва уларнинг ҳар бири худди бугунги дербидек ўтади. Аммо умуман олганда, тан олишим керак, бу мавсумдаги натижаларимиз кутилганидан паст бўлмоқда. Биз мавжуд вазиятдан максимал даражада фойдаланишимиз керак», — дея ван Дейкнинг сўзларидан иқтибос келтиради BBC Sport.
«Ливерпуль» Англия Премьер-лигаси турнир жадвалида бешинчи ўринда бормоқда.
