«Манчестер Сити» ҳужумчиси Эрлинг Холанд «Арсенал» устидан қозонилган 2:1 ҳисобидаги ғалабадан сўнг ўз фикрларини билдирди.
«Тўғрисини айтсам, жуда бахтлиман. Бу ажойиб ғалаба. Габриэль билан дуэль? Менимча, орамизда доим кучли кураш бўлган. Бу дуэлда ютганманми ёки йўқ — буни бошқалар ҳал қилишсин. Мен гол урдим, демак, ўша вазиятда тўқнашувда ғолиб чиқдим. Бу ажойиб гол ва ҳал қилувчи пайт бўлди, якунда эса ғалаба қозондик.
Чемпионлик пойгаси? Ҳар бир ўйин биз учун финал. Чоршанба куни бизни навбатдаги финал кутмоқда. Суҳбатимизни тугатишимиз билан тикланишга киришамиз ва «Бернли»га қарши баҳсга тайёргарлик кўрамиз. Ушбу ўйин ҳам бугунгиси каби муҳим аҳамиятга эга», — деди Холанд Sky Sports нашрига.
