«Manchester Siti» hujumchisi Erling Xoland «Arsenal» ustidan qozonilgan 2:1 hisobidagi g‘alabadan so‘ng o‘z fikrlarini bildirdi.
«To‘g‘risini aytsam, juda baxtliman. Bu ajoyib g‘alaba. Gabriel bilan duel? Menimcha, oramizda doim kuchli kurash bo‘lgan. Bu duelda yutganmanmi yoki yo‘q — buni boshqalar hal qilishsin. Men gol urdim, demak, o‘sha vaziyatda to‘qnashuvda g‘olib chiqdim. Bu ajoyib gol va hal qiluvchi payt bo‘ldi, yakunda esa g‘alaba qozondik.
Chempionlik poygasi? Har bir o‘yin biz uchun final. Chorshanba kuni bizni navbatdagi final kutmoqda. Suhbatimizni tugatishimiz bilan tiklanishga kirishamiz va «Bernli»ga qarshi bahsga tayyorgarlik ko‘ramiz. Ushbu o‘yin ham bugungisi kabi muhim ahamiyatga ega», — dedi Xoland Sky Sports nashriga.
