Мадриднинг «Атлетико» клуби ҳужумчиси Хулиан Альварес фаолиятини давом эттириш учун асосий вариантни танлаб олди. 26 ёшли футболчига анчадан бери «Барселона» қизиқиш билдирмоқда, шунингдек, унинг учун курашда Лондоннинг «Арсенал» ва «ПСЖ» клублари ҳам иштирок этмоқда.

Журналист Фернандо Полонинг маълумотларига кўра, аргентиналик футболчи Каталония клубига ўтишни афзал кўрмоқда. Ҳужумчи айнан «Барса»га ўтишни энг жозибадор вариант деб ҳисоблайди. «Кўк-анорранглилар» вакиллари футболчи билан келишиш қийинчилик туғдирмаслигига ишонишмоқда, бироқ «Атлетико»ни сотувга кўндириш жуда мушкул бўлади — асосий муаммо ҳам айнан шунда.

Transfermarkt портали Хулиан Альвареснинг нархини 90 миллион еврога баҳоламоқда. Жаҳон чемпионининг амалдаги шартномаси 2030 йилгача мўлжалланган.