Мюнхеннинг «Бавария» клуби ўз майдонида «Штутгарт» устидан қозонилган ғалабадан (4:2) сўнг муддатидан олдин Германия Бундеслигаси чемпионига айланди. Жамоа бош мураббийи Венсан Компани ушбу муваффақият ҳақида ўз фикрларини билдириб ўтди.
«Ажойиб ҳиссиётлар. Мен учун қўлга киритилган ҳар бир соврин худди биринчисидек қадрли. Бундай лаҳзаларни алоҳида қадрлаш керак. Бу муваффақият ортида нафақат жорий мавсумдаги машғулотлар, балки узоқ давом этган меҳнат ётибди. Мавсум ҳали якунлангани йўқ, биз бошқа совринлар учун ҳам даъвогарлик қилмоқдамиз. Чемпионлар лигасида бизни жиддий синов — "ПСЖ"га қарши ярим финал баҳси кутмоқда. Аммо унгача Кубок доирасида "Байер"га қарши ўйнашимиз керак», — дея мутахассиснинг сўзларини келтирмоқда DAZN.
«Бавария» 79 очко жамғарди ва Германия чемпионатида рақобатчилари учун етиб бўлмас даражага кўтарилди.
