«Челси» 21 ёшли вингер Алехандро Гарначони сотиб юборишга тайёр. Бу ҳақда talkSPORT хабар бермоқда.

Манбанинг ёзишича, Лондон клуби раҳбарияти аргентиналик футболчини 40 миллион фунт стерлингга сотиб олиш ўзини оқламаганини тушуниб етган.

Гарначо 2025 йилнинг август ойида «Манчестер Юнайтед»дан «Челси»га ўтган эди.

Жорий мавсумда футболчи барча турнирларда 39 та ўйинда майдонга тушиб, 8 та гол урди ва 4 та голли узатмани амалга оширди. АПЛ доирасида эса у 22 та учрашувда 1 та гол ва 4 та ассист қайд этган.