«Астон Вилла» бош мураббийи Унаи Эмери жамоанинг ушбу мавсумдаги мақсадлари ҳақида гапириб берди.
«Премьер-лиганинг сўнгги иккита уй учрашувида «Вест Хэм» ва «Сандерленд» устидан ғалаба қозондик ва иккита жуда яхши ўйин ўтказдик. Мана шу — бизнинг йўлимиз. Премьер-лига — бизнинг асосий устувор вазифамиз, иккинчиси эса — Европа Лигаси. Европа Лигасида ҳам «Лилль» ва «Болонья»га қарши фантастик ўйинлар намойиш этдик. Бизга ишонч қайтмоқда ва ўзимизни қулай ҳис қиляпмиз», — дея Эмерининг сўзларини келтиради клуб матбуот хизмати.
Айни дамда «Астон Вилла» 58 очко билан АПЛ турнир жадвалида тўртинчи ўринни эгаллаб турибди. Европа Лигасида эса Бирмингем клуби ярим финалга йўл олди ва у ерда «Ноттингем Форест» билан куч синашади.













