UFC'нинг ўрта вазн тоифасидаги амалдаги чемпиони, 31 ёшли Ҳамзат Чимаев эркин кураш олами вакилларини очиқдан-очиқ жангга чорлади. Спортчи РАФ лигаси билан шартнома имзолаганидан сўнг, ўзига рақиб излаётганини маълум қилди.
Чимаев ўзининг ижтимоий тармоқдаги саҳифасида унга кураш бўйича чорлов ташлаётган спортчиларга кескин жавоб қайтарди.
“Менга рақиблик қилмоқчи бўлаётганлар кўп, лекин муносиб спарринг-шерик топиш — ҳақиқий муаммога айланди. Шу боис, исталган Олимпиада чемпиони билан куч синашишга тайёрман. Агар у мен билан жангда охиригача дош бера олса, унга 200 минг доллар бераман”, деб ёзди Чимаев.
Маълумот ўрнида, Ҳамзат Чимаев UFC'даги фаолияти давомида бирор марта мағлуб бўлмасдан чемпионлик камарини қўлга киритган 16-жангчига айланди.
