Франциянинг «ПСЖ» клуби Лондоннинг «Арсенал» жамоаси аъзоси Габриэль Мартинеллини ўз сафига қўшиб олиш ҳаракатларини бошлади.
Маълумотларга кўра, парижликларнинг спорт масалалари бўйича маслаҳатчиси Луиш Кампуш бразилиялик вингернинг вакиллари билан дастлабки музокараларни ўтказган. «ПСЖ» раҳбарияти Мартинеллини жамоанинг ҳужум чизиғини кучайтира оладиган асосий номзодлардан бири сифатида кўрмоқда.
24 ёшли Габриэль Мартинелли жорий мавсумда «Арсенал» сафида барча мусобақаларда жами 47 та учрашувда майдонга тушди. Ушбу баҳслар давомида футболчи рақиблар дарвозасига 11 та гол киритишга муваффақ бўлди ва 6 та голли узатмани амалга оширди.
