«Тоттенхэм»нинг истеъдодли ярим ҳимоячиси «Арсенал»га ўтиши мумкин. CaughtOffside нашри берган маълумотларга кўра, «канонирлар» 20 ёшли Лукас Бергвалл атрофидаги вазиятни диққат билан кузатиб боришмоқда. Агар «шпорлар» АПЛни тарк этса, футболчи клубдан кетишга тайёр.

Шунингдек, Бергваллнинг ҳаракатларини Лондоннинг бошқа бир клуби — «Челси» ҳам кузатмоқда. Агар «Тоттенхэм»га 50 миллион евро миқдорида таклиф тушса, швециялик футболчи жамоанинг ашаддий рақибларидан бирига қўшилиши мумкин.

Жорий мавсумда Лукас Бергвалл «Тоттенхэм» сафида барча турнирларда 30 та ўйинда майдонга тушиб, битта гол урди ва бешта голли узатмани амалга оширди. Transfermarkt портали футболчининг бозор қийматини 40 миллион еврога баҳоламоқда.